 |
TAMAN PAMEKAR
Djilid ka III
karangan
A.Sanusi sareng Samsudi
tjetakan ka 4
Tebal 118 halaman
Penerbit
GANACO N.V. - BANDUNG - DJAKARTA
|
 |
PELESRIR DI PUSER KOTA judul pelesir di puser kota |
TAMAN PAMEKAR
Djilid ka III
karangan
A.Sanusi sareng Samsudi
tjetakan ka 4
Tebal 118 halaman
Penerbit
GANACO N.V. - BANDUNG - DJAKARTA
Pasosore sabada asar Pa Aman saanak bodjona ngabring pelesiran di puseur kota.Mimitina mapaj djalan anu lalega sarta raresik, tapi harita mah teu tutumpakan, da resep cenah djalan-djalan bari rarat-reret nendjoan gedong anu saligrong.
Barang nepi kahareupeun Istana Merdeka, Aman ngarandeg bari nanya ka apana : " gedong saha eta teh pa,mana ageung teuing ? Tuh dipajuna oge nganggo bandera Indonesia sareng di unggal lawang didjagi ku tentara njepeng bedil. "
" kapan nja eta nu disebut istana Merdeka teh, panglinggihan Presiden Republik Indonesia."
" Dupi nu di sebat gedong artja teh mana pa ?" Beulah ditu gedong artja mah,geura ju urang ngaliwat kadunja !"
Pa Aman saanak bodjona bring arindit arindit ngadjugdjug ka gedong artja.
" Kenging pa urang lalebetka dinja ?" tjeuk Aman. " Abdi mah hajang terang kaajaanana."
" Atuh geus tutup ajeuna mah." tembal apana. kudu isukan ti beurang."
" Langkung sae urang kaditu ajeuna mah pa, ka Pasar Baru,urang mapaj - mapaj toko anu arageung," omomg Isah.
Emana nempas:" Wah lalewa teh kawas anu rarea duit wae Isah mah, make rek mapaj toko sagala.
" Ih ari Ema hojong terang wae kumaha ramena Pasar baru Djakarta." tembal isah ' sareng eta abdi mah sok resep teh pasang-petana nendeun barang-barang dina etalase."
" Naon etalase teh tju ?" ceuk Aman.
" Ari etalase teh pamidangan barang-barang di toko bagean hareupna."
" Atuh kudu tumpak oplet atawa taksi ari rek ka Pasar Baru mah, da rada djauh,Ade bisi mopo." omong pa Aman.
" Sumuhun pa " tjeuk Ade. "Ade mah parantos tjape,langkung sae kana polet wae."
Pa Aman tuluj ngeureunkeun oplet, tjlak sararea tarumpak oplet, dius ka Pasar Baru. Teu lila geus nepi kanu didjugdjug.
PA Aman saanak bodjona tuluj gabring mapaj-mapaj toko anu galede,barang-barangna marodel tur pasang-petana neundeun barangna matak narik kana hate,matak moho anu nendjo,da puguh beunang njusurup,mani djiga aralus kabeh.