 |
TAMAN PAMEKAR
DJILID III
BATJAAN KELAS 5 SAKOLA DASAR
KARANGAN :
A.SANUSI jeung SAMSUDI
PENERBIT :
" GANACO-BANDUNG-DJAKARTA
1970
|
Isah jeung adina arindit ka Musium teh tarumpak beus DAMRI.
Ari matak tarumpak beus, kahiji ngarah murah ongkosna, kadua ngarah leuwih gancang.
Kira pukul 11 barudak teh geus datang ka musium. Di gigirreun lawang aya nu ngajaga nyanghareupan meja jeung buku daptar tamu ; samemeh asup, kudu ngadaptarkeun heula. isah jeung adina tuluy ngadalaptar heula, geus kitu kakara arasup ka jero rohangan anu panghareupna,nya eta tempat nyimpen rupa-ruoa rorongkong.
barang sup oge barudak teh ujug-ujug bengong bae karageteun nenjo rorongkong sato anu sakitu gedena, malah Ade mah teu wanieun ngadeukeutan.
" Iy, sieun ceunah bari undur-unduran" Naon eta teh ceu Isah,make aya sihungan sagala mani sakitu panjangna ? " Rorongkong gajah baheula " walon Isah.
" Timana asalna etah teh nya, ceu ?" Aman nanya ka lanceukna.
" Kapanggihna ti jero taneuh dideukeut kota Ngawi,karesidenan Madiun," tembal Isah.
" Kutan di Ngawi teh aya gajah anu sakitu gedena?" omong Aman.
" Is, baheula aya soteh,ayeuna mah teu aya," tembal Isah.
" Ari eta anu hiji deui rorongkong naon ceu,tandukna panjang,ceuk Aman. Eta mah rorongkong munding baheula," tembal Isah.
" leuh tandukna oge baplang nya panjang,nya ceu?. matak sieun mun ayeuna aya munding sagede kitu teh. Kenging timana eta teh ceu ? " eta oge sarua bae timu dijeuro taneuh, deukeut Pati di jawa Tengah."
" Ari nu hiji deui rorongkong naon, nu teu aya tandukna ?" ceuk Ade.
" Euh rorongkong badak baheula eta mah," jawab Isah.
" Sami sareng badak anu aya diBanten Kidul ?" ceuk Aman.
" Enya sabangsana keneh,ngan nu Banten Kidul mah sahandapeun ieu gedena.
" Kutan sasatoan baheula mah geuning langkung gede batan ayeuna,'" ceuk Isah " geura yu urang ilikan itu tuh, tangkorak jelema anu dijajarkeun dina meja itu !"
" Ah alim sieun,ceuk ade bari undur-unduran.
" Naha, make jeung sieunsagala, da moal nanaon!" omong Isah,pilakadar tangkorak !"
" Naha geuning benten sareng tangkorak anu aya di sakola, nya ceu ?" ceuk Aman ka lanceukna. " Ieu mah bet kitu geuni tarangna heureut,tulang halisna nonjol pisan kahareup, tulang carehamna oge nyodor kahareup deuih,irung demes : meh sarua jeung tangkorak monyet eta mah !
" Enya, ngaran oge Trinileta mah, sabab kapanggihnati desa Trinil,sakalereun Solo.
" Ari itu naon ceu, anu sapertos dudukuy toroktok mang Aja ?" Ade nanya ka Isah.
" Euh cangkang penyu baheulaeta mah, nu geus jadi batu," tembal isah.
" Euleuh eta mah dinya mej,cangkang kerang geuning,sareng kewuk,mani rupi-rupi ceu!" ceuk Aman," Aya nu belang torotol, nu wungu,hejo,beureum kayas,sarea naker."
" Ari itu batu naon ceu, tuh taringgul dina lomari kaca !" ceuk Ade bari bari nunjuk kana tempat rupa-rupa batu.
" Euh,eta mah nu hideung,areng batu,ari nu semu hawuk,cadas nu ngandung timah,aya oge anu ngandung perak jeung emas, malah diantarana aya nungandung batu permata."
" Ari itu naon tuh, ceu nu siga saung ranggon ?" ceuk Ade bari nunjuk kanu pupusaran beusi.
" Ah,Ade mah, ceuk isah bari seuri. " atuh lain-lain sing saung ranggon eta mah, mumunaraan paranti ngebor minyak tanah " .....
Sanggeus karalang -kuriling unggal kamar kapapay kabeh, Isah tuluy ngajak balik ka adina.
" Lah, abdi mah resep keneh ceu, engke wae sakedap deui!" omong Aman ka lanceukna.
" har,ari Aman,apan tadi ku apa dijangjian ulah beurang teuing,apan urang teras nyaba ka lapang udara tea."
" Euh sumuhun," omong Aman bari nuturkeun lanceukna kaluar.
barang barudak kaluar ti musium,ti luhur aya nu ngaguruh,mana horeng aya kapal udara pancar ngaliwat.
Ade ngarenjag semu nu reuwas,tuluy tanggah.
" Euleuh ceu Isah, kapal udara naon nya, mana tarik-tarik teuing,tah sorana mani ngaguruh kitu,jeung aneh teu aya koleceran,teu aya buntutan deuih ?"
" Euh kapal udara pancargas atawa jet eta teh,paranti latihan !" tembal Isah.
" Naha geuning teu aya koleceran,ceu ?"
"Enya, sabab majuna ku gas !" tembal Isah, " geura endke dilapang udara oge aya singjalugrug."
Sabot barudak ngaromong kitu,jol beus-kota datang,reug eureun hareupeun gedong " DWI WARNA".
Atuh gancang barudak teh tarumpak beus,rek baralik ka panganjreukan.
Dina hiji poe pasosore barudak babaturan Aman ngariung di emper hareup, ngadon ngawangkong.
omong Udi : " Na, asa nyerelek teuing poe teh, nya man ? mani teu karasa deui ujug-ujug asar bae."
" Enya." tembal Aman, " puguh oge ari dipake ngawangkong mah,masing sapoe jeput oge teu kesel ! Teu cara dipake diajar atawa digawe,komo tunggu pare di sawah mah, sajam teh asa sabulan."
" Tapi disakola mah teu ngarasa kesel kuring mah." omong Basar, " da eta wae tilu bulan di kelas lima teh asa sabaraha poe mah."
" Enya wae nya,urang teh geus tilu bulan di kelas lima teh," ceuk Uha, " Atuh tereh dibagi rapor meureun."
" tereh pere samingu deuih, ' tembal Udi.
Udi mah ngan kana pere wae ingetna teh." Omoong Basar bari seuri.
" Atuh da sarerea oge ngarep-ngarep kana pare mah." tembal Udi, " ari Basar embung pere kitu ? "
" Lain,na rek ka mana pere teh Di."
" Duka kumaha teuing atuh,kumaha engke wae," tembal Udi.
" Lah,boa teuing kuring mah moal bisa nyanyabaan pere teh." ceuk Uha." Naha, Ha ?" ceuk Aman.
" Rek ngaretasan bilik pangkeng jang," jawab Uha.
" naha make rek ngaretadan bilik pangkeng sagala,siga nu rek dikariakeunwae, Ha?" omong Udi bari seuri.
" His Udi mah," ceuk Uha bari ngagebes," lain rek dikariakeun,diketasan soteh bilikna pedah rea taeun ... rea bangsat. Mani sapeuting-sapeuting teh kuring mah tara bisa sare,balas diganggu bangsat.
" Diganggu bangsat ?" ceuk barudak bari orolohok semu teu percaya.
"Ah,rahul Uha mah," ceuk UdI, " Moal enya bae bangsat beunang dihalangan ku bilik dikeretasan ? teu kaharti !"
" Is, atuh da kuring mah dipapatahan ku bang Miun urang Jakarta,cenah lamun ngabasmi bangsat,mimitina bilik pangkengna ku disemprot ku obat D.D.T.mun geus paeh bangsatna,bilikna kudu tuluy dilampud ku keretas".
" bedul teh, mun ngomong teh sing bener." ceukk Udi bari seuri, " Entong nyebut rea bangsat nanhaon,eta tumbila wae kituh."
" Enya,ceuk urang dieumah tumbila soteh,ari ceuk urang jakarta mah bangsat,nu matak kudu disemprot ku obat D.D.T. oge," tembal Uha bari seuri.