 |
EUIS KOMARIAH
ALBUM
DEGUNG
" TONGGERET TONGKER "
PRODUKSI JUGALA record
|
SIDE A :
* TONGGERET TONGKER
* ASIH
* SURTI
* CILAUT EUREUN
SIDE B :
* DEGUNG PANGGUNG
* IMPLENGAN
* GUNUNG SARI
* REUMBEUY BANDUNG
BIOGRAFI EUIS KOMARIAH
Euis Komariah nyaéta salah saurang juru kawih tembang Sunda Cianjuran jeung juru kawih degung Karesepna kana tembang Sunda geus dimimitian saprak manéhna leutik. Malahan mah dina umur 9 taun manéhna téh geus pinter nembangkeun tembang-tembang Sunda. Kelas 4 SD, anjeunna geus naék panggung jadi juru kawih.Bakat Euis dipulas munggaran ku Ansorudin, pangaping pakumpulan seni sunda di kampungna, Cipeujeun, Pacét, Majalaya.
Di dieu, Euis diajar sagala rupa seni Sunda, hususna kawih. Bakat sarta karesepna ieu terus diasah waktu manehna di SMP. ”Waktu éta manéhna ngamimitian siaran di RRI, hususna siaran Angkatan Bersenjata dimana nu ngajentréngkeun kacapina mang Ebar sarta nu niup sulinga mang Engkos. Saprak wawuh jeung mang Ebar, euis mimiti mikawanoh sarta bisa nembangkeun tembang Sunda cianjuran. Sajumlah pasanggiri tembang Sunda kungsi dipiluan. Dina ampir saban pasanggiri anu dipiluan, pamajikan koréografer Sunda nu kawenta-Gugum Gumbira-ieu sok jadi jawara.
Tapi anu pangnapelna dina haté manéhna mah nyaéta pasanggiri anu diayakeun ku Damas dina taun 1962, mangsa éta manéhna karék umur 13 taun. ”Dina kategori tembang Sunda cianjuran ieu manéhna jadi jawara kadua. Memang, waktu éta Euis kakara mimiti miluan pasanggiri, sumawona tembang Cianjuran tacan lila diteuleuman. Pasanggiri Damas dua taun saterusna, 1964, rada istiméwa pikeun menéhna, alatan sakaligus miluan leuwih ti hiji katégori. Di dieu manéhna hasil meunangkeun sababaraha piala. Taun 1977 nyaéta taun pamungkas pikeun Euis miluan pasanggiri.